“HAK-organiza diálogu nasionál kona-ba Esforsu ba Planeamentu, investimentu no Advokasia ne’ebé integradu ba Melloramentu Sistema Bee, Saneamentu no Ijiene Rurais”

Dialogu nasionál ne’e hetan abertura husi Sua Exelensia Vise Primeiru Ministru Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Sr. Mariano “Assanami” Sabino. Iha ninia intervensaun nia haktuir katak diálogu ida ne'ebé importante tebe-tebes rona hotu-hotu, estadu ne'e iha pillár tolu importante, ida mak Governu, ida mak setór privadu, ida mak sosiédade sivil ka ONG sira. Nu'udar Vise Primeiru Ministru ne'ebé asume responsabilidade ba asuntu sosiais no ha'u servisu hamutuk ho ONG sira nu'udar parseiru ida ne'ebé vital no importante, ida-idak halo nia kna'ar, balun halo advokásia, balun ko'alia Direitus Umanus ida ne'e mak ita halo kompleta malu, ne'ebé ida-idak halo nia knaar hela, ida seluk mós halo nia knaar kontrolu, atu ita labele sala, falla útiliza orsamentu povu nian ne'e sai Orsamentu Jerál Estadu útil ba fali povu, entaun ita hotu-hotu ne'e komponente importante ida kompleta malu atu reforsa ita nia estadu ida ne'e ba oin, Vise Primeiru Ministru ne’e reforsa liu tan katak Ohin ha'u asume fila responsabilidade iha Governu ida ne'e hamutuk ho Sekretáriu Estadu, Ministru Obra Públiku ita hein katak komesa fó importánsia, planeia didi’ak oinsá ita konserva fila-fali bee matan, oinsá íta kuidadu fila-fali bee matan. Tanba ne'e hot-hotu iha responsabilidade no kna'ar tenke fó atensaun katak sé ita la kuidadu ita nia illa, illa ne'e sei estraga.

Iha mós intervenssaun husi Diretór HAK Sr.Feliciano da Costa Araújo haktuir katak sorumutu ne’e meius ida atu partilla ideia sira hamutuk atu bele dezenvolve setór bee no saneamentu. Salienta liu tan projeksaun sira ba iha programa orsamentu presija  tau kestaun ida ne'ebé esensiál ka prinsipál tebes ba iha bem star  povu nini'an. Tanba, ne'e, organizasaun HAK nu'udar organizasaun Direitus Umanus konsidera tebe-tebes asuntu sira ne'e, tenke proteze, nune'e mós tenke hatuur, nune'e povu sira sente saida mak ninia estadu ne'e tau atensaun ba sira nia moris iha futuru no ba jerasaun sira. Country Director WaterAid Timor-leste, Sr.Justinu da Silva  haktuir katak WaterAid nafatin tau importánsia asuntu prióridade bee, saneamentu ijiene ne'e ho aproximasaun implementasaun no mós aproximasaun advokásia. Nia haktuir, meius ida ohin hanesan meius servisu advokásia, atu iha kolaborasaun ida ne'ebé relasaun forte ho instituisaun estadu sira, relasaun forte ho sosiédade sivil nafatin hodi ko'alia liu-liu iha nivél influénsia nian. Nia dehan, prioridade Goverau hatuur ona sei haree planu nonu governu konstitusionál iha pajina 3.3, asuntu bee no saneamentu- signifika prioridade iha. Maibė komunikasaun, dialógu sira hanesan ne'e presiza la’o nafatin bele fó hanoin malu toma konsiderasaun iha planeamentu sira mak hatuur tuir mai. Iha Timor-Leste ha'u hanoin se ita haree ba pursentazen dadus ne'e purvolta 85% mak asesu ona ba bee, ita sei hela besik 15 mak seidauk asesu bee husi ita nia nasaun. Kuaze 40 itall mak ema seidauk asesu ba saneamentu, maibé dadus kona-ba ijiene ne'e bo'ot liu kuaze 60% mak seidauk hanesan ema prátika fase liman ho sabaun, uma- kain sira seidauk fasilidade apropriadu fase-liman, en- taun ne'e 60% seidauk asesu. Ha'u hanoin prióridade ida ita presiza fó atensaun maka'as atu ita nia rai ne'e pelumenus periódu tinan lima halo nétik buat ruma.

Atividade ne’e hetan apoiu husi Governu Australia liu husi Fundu Be’e ba Feto.